Bustablado - Porracolina - Arredondo

Atzera

 
 
 

Ibilbidea

Noiz

  Irailak 10,  7:15etan

Nondik

  Astileruko geltokitik

Izena eman

  Anaitasuna tabernan

Iraupena

  6,30 ordu

Desnibela

  +/- 1181 m

Zailtasuna

  Gogorra

IBILBIDEA

 Bustablado - Porracolina (1.414m) - Arredondo

Egingo dugun ibilaldia, Kantabrian egiten den mendi ibilbide klasiko bat dugu. Gezi berde eta zeinu hori/zuriekin markatutako PR-S60 zehar ibiliko gara gaurkoan.

Bustablado herriko “La Iglesia” auzoan hasiko gara, hemen hilerrira doan bidea hartu eta esbubitara pinuak landatuta dituen bidexka oker eta aldapatsu baten gora joango gara “Picon del Aire” izeneko lepo txikira heltzeko.

Tiujo la Llusa (700 m)” deitzen den haritz, pago, hurrondo, urki….dituen basotik igaroko gara. Bideak bordak dituen zelaiak inguratzen du, aurrerago “Sierra de la Mazuelara”ra helduko gara.

Espinajones (900 m) izeneko larreetatik pasa ondoren, belardi aldapatsu baten gora egin behar dugu, ibilbideko aldaparik gogorrena, “Hormigas” izeneko lepora heltzeko. Hemendik ikuspegi ederra izango dugu, “Peńa Rocias” ekialdera, “Porra Hormigas”, Las Enguinzas mendebalera eta aurrean “Porracolina”. Bide nabarmen batetik jarraituko dugu, honek “Alto de Pipones” erantz eramango gaitu.

Igoeraren azken zatia nahiko aldapatsua da, 100m inguruko desnibelari aurre egin beharko diogu “Porracolina”ren (1414 m) tontorrera heltzeko.

Egun argitsuetan ia Kantabria guztia ikus daiteke; Santander eta bere badia, ekialdeko itxasertza, “Picos de Europa”, “Alto Ason-eko” eta bizkaiko mendiak ere.

Beherako bidea, igoera egiten den mendiaren beste aldetik egiten da. “Collado de la Minara” heldu artean. Hemen bi bide daude, Bat “Calseca”rantz eta bestea “Ason”erantz. Guk “Ason”erantz doan bidea hartuko dugu, bide hau, “Rolacia”rantz jeisten den ubidearen hasieran sorteen da, bertan ondo zaindutako borda batzuk daude; erraz ezagutuko dugu. Beherantz jarraituko dugu harrizko hezien artetik “Llanos de Sotombo”ra heltzeko. Aska baten ondotik pasa eta bideak sigi-saga egiten du aldapa malkartsu errazteko. “Rolacia”ko zelaiak ikusiko ditugu. Hemendik “Invernal de la “Rolacia”rantz hogei bat borda sakabanatu daude. Aurrerago bidea baso liluragarri batean sartzen da, bertan haritzak, intxaurrondoak, pagoak, makalak, hurrondoak etab ikusiko ditugu, bidean beherantz jarraituko dugu, Arredondo eta Soba herriak banatzen dituen Carcabon ibaiaren ubideraen albotik.

Azken zatian, ibai hainbat alditan gurutzatuko dugu, “La Carcava” izenarekin ezagutzen etxearen ondotik igaroko gara non “Ason” ibaia zeharkatzen duen “Raposillo” zubira helduko garen.

Hemen Ason ibaia jaiotzen den ur jauzirantz joateko bidexka bat hasten da, baina guk “Soba”ko bailaran behera jeisten den errepidetik jarraituko dugu, 300 m innurura “Ason” herrira helduko garelarik.

Ason”etik “Arredondo”ra errepidetik joango gara, hankak luzatzeko ondo etorriko zaizkigun azken 4Km-ak egiteko.

Desnibel handiko ibilbidea da, dena gorantz edo beherantz, baina ingurune zoragarri batean pasatuko dugu eguna.

Gutxi gora-beherako denborak

Bustablado-Porracolina: 3ordu 30m

Porracolina-Ason: 2ordu 15m

Ason Arredondo: 45min

Ibilbidean zerbait gertatuz gero, deitu zenbaki honetara 635200189

Ondo ibili.

 

(c) Aurrera Mendi Taldea