Hegoa/Iparra, Nafarroa/Zuberoa banatzen duen Larrau gainean hasiko dugu ibilaldia (1573 m).

 Gorantz, ibilbidea iparmendebaldera doan bidezka nabarmen batetik hasiko dugu. Aldapa geroz eta gogorrago eta harritsuago, ordu bat, edo zerbait gehiago beharko dugu ORHI gainera heltzeko (2018 m). Eguraldia lagun baldin badugu ikaragarrizko bistaz gozatzeko aukera izango dugu.

Gure bideak gainez-gain jarraitzen du mendebaldera, eta orain beherantz. Jaitsiera gogor baten ondoren Alupigna lepora iritsiko gara (1735 m), bertan ate bat aurkituko dugu. Hemen bizkar zorrotz eta oso aereo baten aurrean aurkitzen gara, guk arazoak sahiesteko eskubira eta beherantz jarraituko dugu bidexkatik. Metro batzuk aurrerago. ezkerretara eta gorantz egingo dugu ZAZPIGAINA (1765 m) gailurra irabazteko.

Hemen, Ipar aldera egingo dugu, belarrezko jaitsiera gogor batetik eta ehiztarien posturen ondotik, Tharta lepora (1431 m) iritsiko gara, lehenago ehiztariek mendizaleei eskeintzen dien aterpe ireki batera iritsiko gara. Hemen gure ezkerretara eta beherago Ibarrondoako bordaketa ikusi ahal izango ditugu eta bere gainean eta gure ezkerretara, parean, Bizkartze mendia.

Hemen Mendebaldera jarraituko dugu, THARTAKOGAINA (1526 m) iritsiko gara aldapa labur baten ondoren, hemendik Millagateko gandorretik eta beti ere gainez-gain ODEIZU GAINA (1613 m) irabaziko dugu, hemen ezkerretara pista bat ikusiko dugu Organbidexka gainaren ondotik pasatzen dena, aldapa labur baina gogor baten ondoren, beti ere gainez-gain, pixka bat behera eta berriz ere gora egin ondoren berehala PELUSEGAINA (1594 m) belartsuan aurkituko gara. Hemendik jaitsiera labur baten ondoren Mehatze lepora iritsi gara (1383 m).

 Hemen aurrerago esandako pistan aurkitzen gara, guk ¡parraldera egingo dugu aurrez-aurre dugun lmskora, antenara, eta berebala ORGANBIDEXKA (1445 m) gainera helduko gara, ibilaldiaren bukaerara iristen ari gara. Gainez-gain beti ere halako batean gure ezkerretara dugun pagaditik beherantz egingo dugu eta Iratiko konplexuko pare bat etxetxoren ondotik pasa ondoren Bagak-gia Gainera iritsiko gara (1327 m) Hemen taberna eta autobusa dugu zain.