Orotz Betelu herritik aterako gara gorantz, (615 m). Gorraitz herrixka aldera goaz, gure eskuin aldera Leizibar sakona eta Biskasun mendia ezker aldera dugularik. Behin Agote gainean, La Corona bistatuko dugu hasieratik ikusten genuen Juandetxako mendiaren eskuin aldean, izkortea (langa edo portillo) pasa ondoren Gorraizeko zelaietan kokatuko gara. Ele eta Pausoran mendien azpian. Gure eskuinean Soriako rasos lautada ikusi ahalko izando dugu, Errenteriako papelera eta Orotz Beteluko elektrizitate zentrala lotzen duen lineak zatitzen duelarik. Lautada hau erditik pasako dugu, gure eskuin aldean Oroz eta Atze bailara banatzen duen alanbre hesiaren ondotik Osa mendilerroaren oinarrira arte. Eskuinetik pistak Zanazeko lepora garamatza.

Pista eskuinera utzi eta gero, ganaduren bidexketatik gorantz ezpelen artean UTURUN mendi gainera iritsiko gara. Gainez gain JUANDETXAKO (1235 m) gaitera heldu arte. Lau norabidetan oso bista ederrak ikusteko aukera izango dugu, Aralar, Aizkorri, baita pirineo aldera Belagoa eta Zurizako mendiak. Hurbilago, ezkerretara, mendebaldera, Labia mendilerroa, Aintzoa eta Larrogain, Artze eta Erro aranak banatzen dituen karezko bizkar hezurra.

Gainean, atzera pixka bat eginez eta beherantz Zanazeko lepora jaitsiko gara (1070 m), hemen alanbrezko hesi hirukoitza eta eroritako dolmen bat aurkituko ditugu. Ganaduen bidexka batetik jarraituko dugu alanbrezko hezia ezkerrean dugularik. Berehala ur ederreko iturri eta aska batera iritsiko gara, Adasako aska. Haseran bide itxi batetik eta pagadi eder baten barrena, gorantz, diagonalean, Barraburuko askara iritsiko gara. Bideak gorantz egiten du pagadian zehar eskuinean haitz multzo bat utziz. Aurrerago eskuinera Las piedras de la Corona behatokia aurkituko dugu, bertatik Arrigorrietako ibarra eta bertan Olaldea (Oroz Beteluko bailara), begiztatzeko aukera izanez.

Pagadian gora, beste ahalegintxo txiki bat egin eta LA CORONA (1387m) gaineko zelaian gaude bere bertize geodesiko erraldoiarekin. Markatu gabeko bide batetik ipar ekialdera egingo dugu beherantz eta txillar eta habiak (arandanoa) artetik lehenik eta pagaditik gero joko dugu, Garraldatik datorren pista hartu arte. Berehala itzuli batean eskuinera egingo dugu eta ehiztari borda baten ondoan Garraldara eramango gaituen marka txuri-berdeak aurkituko ditugu, lehenago, azkeneko behatokian Aezkoa bailarari begirada botatzeko aukera izango dugu.